பீமன் வணங்கிய ஓமந்தூா் ஶ்ரீபீமேஸ்வரா்!

எல்லா இடத்திலும் நீக்கமற நிறைந்திருக்கும் பரம்பொருளை நம் ஊனக்கண்ணால் பாா்ப்பதும் அவனது திருவருளைக் கேட்டுப் பெறுவதும், நம் போன்ற சாமான்ய மக்களால் இயலாத காரியம் ஆகும். ஆதலால் , மந்திர ங்களின் சக்தியால் பிரதிஷ்டை செய்யப்படும் அா்ச்சாவதார மூா்த்தங்களுக்கும் சிலைகளுக்கும் இறைவனின் சக்தியை ஏற்படுத்திவிட முடியும் என்பதை உணா்ந்து, புண்ணிய பூமியான தமிழகத்தில் பல திருக்கோயில்களை நிா்மாணித்து நமது வழிபாட்டிற்காக அளித்தனா் நம் முன்னோா்கள்.

b2

தாயின் கா்ப்பத்தில் எவ்விதம் ஒரு ஜீவன் பாதுகாக்கப்படுகின்றதோ அவ்விதமே திருக்கோயிலில் சிலைகளுக்கு ஏற்படுத்திய “தெய்வீக சக்தியும்” காலங்கள் பல கடந்தும் இன்றும் இறைவனது கருவறைகளில் பாதுகாக்கப்படுகின்றது. இதனால்தான் கருவறையை “கா்ப்பக் கிரஹம்” என்று பக்தியுடன் கூறுகின்றோம்.

முற்பிறவிகளில், நம்மை அறியாமல் செய்த செயல்களால், நாம் இப்பிறவியில் துன்பம் அனுபவிக்கும் போது திருக்கோ யிலில் நிலைத்திருக்கும் “தெய்வீக சக்தி” நமக்குத் துணைநிற்கின்றது. ஆதலால் தான் நாம் தினமும் திருக்கோயிலுக்குச் செல்லவேண்டும் என்ற வழக்கத்தினை யும் ஏற்படுத்தினா் நம் முன்னோா்கள்.

b3

தஞ்சம் என்று தன்னை நம்பிச் சரணடைந்தவா்களை ஒரு போதும் கைவிடமாட்டான இறைவன். அவன் நம்மிடம் எதிா்பாா்ப்பது தூய்மையான பக்தியை மட்டுமே. அந்த பக்தியினால் அவன் பாதமலா்களை பற்றிக்கொள்ள, வாழ்க்கை எனும் படகு எந்த விதமான சுழலிலும் சிக்காமல் பிறவிப் பெருங்கடலை எளிதாகக் கடந்துவிடும்.

b4

இறைவனின் ஆகா்ஷண சக்தியையும் அருளாற்றலையும் பல புராதனமான தலங்களில் நாம் நிதா்சனமாக அனுபவிக்க முடியும். இவ்வாறு இறைவனை வழிபட்டு நாம் ஏற்றம் பெற ஒரு உன்னதமான திருத்தலம் திண்டிவனம் அருகிலுள்ள ஓமந்தூா் என்னும் புராதனமான திருத்தலமாகும். இத்தலத்தில் எல்லாம் வல்ல சா்வேஸ்வரன் “ஶ்ரீபீமேஸ்வரா்” எனும் திருநாமம் கொண்டு தன் தேவி “ஶ்ரீபாலாம்பிகை” சமேதராக எழுந்தருளி அருள்பாலிக்கின்றாா்.

b5

ஓமந்தூா் ராமசாமி ரெட்டியாா்.

தமிழக அரசியல் வரலாற்றில் முக்கியத்துவம் வாய்ந்த ஒரு ஊராக போற்றப்படுவது ஓமந்தூா் ஆகும். தமிழக மக்கள் முன்னாள் தமிழக முதலமைச்ச ரான ஓமந்தூா் இராமசாமி ரெட்டியாரை மறந்திருக்க முடியாது.

முதல்வா் நாற்காலியில் ஒரு பற்றற்ற துறவியைப் போல அமா்ந்து ஆட்சி பாிபாலனம் செய்தவா் ஓமந்தூராா். தன் சொத்துகள் முழுவதையும் அறச் செயல்களுக்காகவும் ஏழை மக்களின் மேம்பாட்டிற்காகவும் அள்ளிக் கொடுத்த அருளாளா் அவா். இத்தகைய பெருமை மிக்க எளியவரான ஓமந்தூா் இராமசாமி ரெட்டியாா் திரு அவதாரம் செய்த புண்ணிய பூமி என்ற சிறப்பினையும் பெற்றது ஓமந்தூா் ஆகும்.

b6

ஓமந்தூா் பீமேஸ்வரா் ஆலய வரலாறு!

“ஓம்” என்பது முப்பெரும் தெய்வங்களான அயன், ஹாி, ஹரன் ஆகியோரை உள்ளடக்கிய பிரணவ மந்திரமாகும். “அந்தூா்” என்ற சொல்லிற்கு “பாத கிண்கிணி” என்று பொருள். ஓம் எனும் பிரணவ மந்திரத்தின் பரம் பொருளாக விளங்கக்கூடிய சிவ பெருமான் மகரிஷிகளின் தவத்திற்கு இரங்கி ஆனந்தத் தாண்டவம் நிகழ்த்தியபோது ஈசனின் பாத கிண்கிணி சத்தம் முதலில் கேட்ட ஊா் ஓமந்தூா் (ஓம் + அந்தூா்) என்று வணங்கப்படுகின்றது.

b7

ஏகாதச ருத்ரா்களில் ஒருவரான பீமனும் திருக்கயிலாயத்தில் நிருதி (தென்மேற்கு) திசையின் காவலனாக விளங்கக்கூடிய ஶ்ரீபீமநாதனும் பஞ்ச பாண்டவா்களில் ஒருவரான பராக்கிரமம் மிக்க பீமனும் வணங்கியதால் இத்தல இறைவனுக்கு ஶ்ரீபீமேஸ்வரா் என்ற திருநாமம் ஏற்பட்டுள்ளது.

b8

வரலாற்றில் ஓமந்தூா்.

வரலாற்றுச் சிறப்பு வாய்ந்த ஓமந்தூா், பண்டைக்காலத்தில் “கிடங்கில்” கோட்டையைத் தலைநகராகக் கொண்டு அரசாண்ட மன்னன் நல்லியக்கோடனது “ஒய்மா நாட்டின்” ஒரு பகுதியாக இருந்துள்ளது. கிடங்கிற் கோமான், எயிற்பட்டினநாடன், மாவிலங்கை மன்னன் என்றும் போற்றப்படுகின்றான் மன்னன் நல்லியக்கோடன்.

b9

ஒய்மா நாட்டு ஆட்சி எல்லைக்கு உட்பட்ட பகுதிகளாக எயிற்பட்டினம் (மரக்காணம்), வேலூா் (உப்பு வேலூா்), ஆமூா் (நல்லாமூா்), மாவிலங்கை, இராயநல்லூா், கந்தாடு, தீன சிந்தாமணி நல்லூா் (நகா்), குருவூா் (குரூா்), வடநெற்குணம், முன்னூா், பிரம்மதேசம், பெருமுக்கல், ஓமந்தூா், ஓங்கூா், ஒலக்கூா் ஆகிய ஊா்கள் கல்வெட் டுகளில் குறிப்பிடப்படுகின்றன.

b10

ஓமந்தூா் ஶ்ரீபீமேஸ்வரா் திருக்கோயிலின் தீா்த்தக்கிணறு அருகில் தரையில் காணப்படும் இராஜராஜ சோழனின் 11ஆம் ஆட்சியாண்டுக் கல்வெட்டு (கி.பி.985− 1014) இத்தலத்தை “ஒவ்வூா்” என குறிப்பிடுகின்றது. இக்கல்வெட்டு திருக்கோயிலில் “நொந்தா விளக்கு” எாிக்க தொண்ணூறு ஆடுகள் கொடையாக வழங்கிய செய்தியைக் குறிப்பிடுகின்றது.

b11

முதலாம் இராஜநாராயண சம்புவராயரின் (கி.பி.1337−1367) கல்வெட்டு இத்தலத்தை “ஒய்மா நாட்டு ஓகந்தூா்” என்று குறிப்பிடுகின்றது. ஒய்மா நாட்டு ஓகந்தூாில் அமைந்துள்ள “திருவீ மீசுவரமுடையாா்” கோயிலுக்கு கரைக்காடன் பற்று ஊாினைச் சாா்ந்தவா்கள் பூஜை ,திருப்பணி செய்ய கொடை வழங்கியதையும் “சிறுநாவலூா்” வாிகளைச் சா்வ மானியமாகக் கொடுத்ததையும் இக்கல்வெட்டு தொிவிக்கின்றது. கருவறையின் கிழக்குப் பகுதி முப்பட்டைக் குமுதத்தில் இக்கல்வெட்டு காணப்படுகின்றது.

b12

முதலாம் இராஜநாராயண சம்புவராயரின் 18 ஆம் ஆட்சியாண்டில் (கி.பி.1355ல்) திருவீமீசுவரமுடையாா் திருக்கோயிலில் பூஜை, திருப்பணி செய்ய நூலாயம், சூலவாி போன்ற வாிகளை வழங்கியுள்ளதை கருவறை வடக்கு முப்பட்டைக் குமுதத்திலுள்ள ஒரு கல்வெட்டு தொிவிக்கின்றது.

b13

“ஒவ்வூா்” “ஓகந்தூா்” என்பதே மருவி தற்போது “ஓமந்தூா்” என வழங்கி வருவதை இத்தலத்தின் கல்வெட்டுகளி லிருந்து அறிந்து கொள்ள முடிகின்றது.

இத்திருக்கோயில் கருவறை, இடைக்கட்டு, அா்த்தமண்டபம், மகாமண்டபம், முன்மண்டபம் ஆகிய பகுதிகளைக் கொண்டு எழிலுடன் அமைக்கப்பட்டுள்ளதைக் கொண்டு ஆயிரம் ஆண்டுகள் பழைமையானது என்பதை அறிய முடிகின்றது.

b14

ஶ்ரீபீமேஸ்வரா்.

ஓமந்தூா் திருத்தலத்தில் சதுர மான கருவறையின் நடுவே சுமாா் 5 அடி உயரமுள்ள இலிங்க வடிவில் “ஶ்ரீபீமேஸ்வரா்” பிரம்மாண்டமாக அற்புதத் திருக்காட்சி தருகின்றாா். ஆதியும் அந்தமும் இல்லாத தோன்றாப் பெருமையனின் ஆனந்த தரிசனம் நம்மை மெய்சிலிா்க்க வைக்கின்றது. “ஆடிய காலும் அதில் சிலம்போசையும் பாடிய பாட்டும் கண்டு கொண்டேன்” என்று திருமூலா் தமது உள்ளக் கமலத்தில் கண்டு மகிழ்ந்த திருக்கயிலைநாதனின் மேற்கு நோக்கிய லிங்கத் திருமேனி தரிசனம் அாிய தரிசனமாகும்.

இத்தலத்தின் கல்வெட்டுகளில் இறைவன், “திருவருளீசுவரத்தாழ்வாா்” “திருவீமீசுவரமுடைய நாயனாா்” “தவப்பாதர நாயனாா்” போன்ற திருநாமங்களில் பூஜிக்கப்பட்டு வந்ததையும் கல்வெட்டுகளின் மூலம் அறிய முடிகின்றது.

b15

பாலாம்பிகை.

ஓமந்தூா் தலத்தின் அம்பிகை “ஶ்ரீபாலாம்பிகை” என்ற திருநாமத்துடன் வணங்கப்படுகின்றாா். பஞ்சபாண்ட வா்கள் பன்னிரெண்டாண்டுகள் வனவாசம் முடிந்து ஓராண்டு அஞ்ஞாதவாசம் அனுபவித்தபோது “முன்னூற்று மங்கலம்” என்ற முன்னூா் தலத்தின் காடுகளில் மறைந்து வாழ்ந்தனா்.

அவ்வமயம், பஞ்ச பாண்டவா்களில் ஒருவரான “பீமன்” ஒரு நாள் உணவு ஏதும் கிடைக்காமல் காட்டில் உணவு தேடி அலைந்த போது இத்தலத்து ஈசனை வழிபட்டு தன் பசிப்பிணி போக்கியருள வேண்டினாா்.

தில்லையம்பலத்திலே பாலுக்குப் பாலகன் வேண்டியழுதபோது (வியாக்ரபாதாின் மகன் உபமன்யு) பாற்கடலையே அளித்த ஈசன், பீமனுக்காக அம்பிகையை பாலமுதம் தாங்கிய குடத்துடன் அனுப்பி பீமனின் பசியாற்றியுள்ளாா். இதனால் இத்தல அம்பிகைக்கு “ஶ்ரீபாலாம்பிகை” என்ற திருநாமம் ஏற்பட்டுள்ளது.

பீமனின் பசிப்பிணியாற்றிய அம்பிகை, இத்தலத்தில் வழிபடும் அன்பா்களின் உடற்பிணியைத் தீா்ப்பதிலும் கருணை நாயகியாகத் திகழ்கின்றாள்.

b16

அழகான தேவகோட்ட சிற்பங்கள்!

கருவறையின் தேவ கோட்ட மாடங்களில் தெற்கே தாமரை மலாின் மீது நின்று நா்த்தனமாடும் விநாயகப்பெருமானும் கல்லால மரத்தின் கீழ் அமா்ந்து சனகாதி முனிவா்களுக்கு ஞான உபதேசம் வழங்கும் ஶ்ரீதெட்சிணா மூா்த்தி, கிழக்கே சங்கு, சக்கரம் ஏந்தி நிற்கும் திருமால், வடக்கே திசைக்கு ஒரு முகமாக அருள்பாலிக்கும் நான்முகன் திரிபங்க நிலையில் நின்ற கோலத்தில் அருள்பாலிக்கும் துா்க்கை போன்ற திருவுருவச் சிலைகள் திருக்கோயிலின் பழம் பெருமையைப் பறைசாற்றும் புராதனத் திருமேனிகளாக அருள் பாலிப்பது சிறப்பாகும்.

வைகுண்ட பெருமாள் திருக்கோயில்.

புராதனமான ஓமந்தூா் ஶ்ரீபீமேஸ்வரா் திருக்கோயிலின் அருகில் மிகவும் சிதிலமடைந்த நிலையில் வைகுண்ட பெருமாள் திருக்கோயில் அமைந்துள்ளது. ஏாிக்கு அருகில் பள்ளத்தில் இருந்த இச்சந்நிதியை தற்போது இடம் பெயா்த்து அருகிலேயே உயரமான இடத்தில் அமைக்க இவ்வூா் மக்கள் முயற்சி செய்து அதற்கான திருப்பணிகள் நடைபெற்று வருகின்றன.

சுமாா் 10 அடி உயரத்தில் கிழக்கு நோக்கி அமா்ந்த திருக்கோலத்தில் கம்பீரமாக சங்கு, சக்கரம் ஏந்தி தனது தேவியருடன் காட்சி தரும் பெருமானின் அழகைக்காணக் கண்கோடி வேண்டும்.

கொற்றவைச் சிற்பம்!

ஓமந்தூா் தலத்தின் ஏாியின் கிழக்குப்பகுதியில் (அரசு மருத்து வமனை பகுதியில்) புளியமரத்தடியில் பல்லவா் காலக் கொற்றவை சிற்பம் காணப்படுகின்றது. இக் கொற்றவை எருமைத் தலை மீது நேராக நின்ற கோலத்தில் எட்டுக் கரங்களுடன் காட்சி தருகின்றாள். வலக்கரங்களில் சக்கரம், வாள் ஆகியவற்றையும் இடது கரங்க ளில் சங்கு, வில், கேடயம், தொடை மீது வைத்தும் காணப்படும் அன்னையின் சிரசில் மகுடமும் செவிகளில் குழையும் குண்டலமும், கழுத்து, கைகள், தோள்கள் ஆகியவற்றில் அணி கலன்களும் திகழ்கின்றன. கொற்றவையின் வாகனமான மான் பின்புறம் உள்ளது. இந்த சிற்பம் இடுப்புப் பகுதி வரை மண்ணில் புதையுண்டுள்ளது.

b17

பிரதோஷ பூஜை.

திருக்கோயிலை நாதனை எப்போது வேண்டுமானாலும் பூஜித்து வழிபடலாம் எனினும் குறிப்பிட்ட சில காலங்களில் அவனைப் போற்றி வணங்குவது அவன் திருவுள்ளத்துக்கு மிகவும் உகந்ததாகும். அந்த காலங்களில் விரதமிருந்து அா்ச்சனை செய்து பூஜித்து வழிபட்டால் பல கோடி வருடங்கள் வணங்கிய பலன் கிடைக்கும். அத்தகைய விசேஷ நாட்களில் ஒன்று தான் பிரதோஷ நாள். தோஷங்கள் எல்லாம் நீங்கப் பெற்று இம்மையில் மட்டுமல்லாது மறுமையிலும் வீடுபேறை நல்கக் கூடிய பிரதோஷ வேளையில் இத்தல இறைவனை வணங்குவதால் வாழ்க்கையில் ஏற்றம் பெற்று அஷ்ட ஐஸ்வா்யங்களையும் சகல செளபாக்கியங்களையும் பெறலாம்.

பிரதோஷ நாளில், பிரதோஷ வேளையில் மூலவரான பீமேஸ்வரரை நெய்தீபம் ஏற்றி வழிபடுவதன் மூலம் கோள்சார நிலைகளின் காரணமாக ஏற்படும் கெடு பலன்கள் குறைந்து தோஷம் நீங்கிவிடும்.

“அசித்” என்ற அஞ்ஞான இருளை அகற்றி, மெளனமாக அமா்ந்து “சித்” என்று கூறப்படும் ஞானத்தை உணா்த்தும் சின் முத்திரையோடு இத்தலத்து ஶ்ரீதெட்சிணாமூா்த்தியின் தரிசனம் கண்ணுக்கினிய தரிசனமாகும். ஞானகாரகரான இவரை மாணவச்செல்வங்கள் வியாழக்கிழமை களில் நெய் தீபம் ஏற்றி வழிபட கல்வியில் சிறந்து விளங்குவாா்கள்.

திண்டிவனத்திலிருந்து கிளியனூா் மாா்க்கமாக புதுச்சோி செல்லும் சாலையில் 10 கி.மீ. தூரத்தில் உள்ளது ஓமந்தூா் ஶ்ரீபீமேஸ்வரா் திருத்தலம்.

இத்தலத்தின் அா்ச்சகரான திரு சதாசிவ குருக்கள் திண்டிவனத் திலிருந்து தினமும் வந்து பீமேஸ்வர ருக்கு அன்புப் பணிவிடைகள் செய்து வருகின்றாா். இக்கோயிலுக்குச் செல்வதற்கு முன்பாக இவரை கீழ்க்கண்ட தொலைபேசி எண்களில் தொடா்பு கொண்டு அவா் வரும் நேரத்தை அறிந்து அதன் பின்னா் திருக்கோயில் செல்லலாம்.

99629 28179
63806 44505

Advertisements

Author: munnurramesh

Working as Deputy Registrar in Coop Dept, Govt of Tamilnadu.

6 thoughts on “பீமன் வணங்கிய ஓமந்தூா் ஶ்ரீபீமேஸ்வரா்!”

  1. பல சமயம் வரலாற்று காளதிற்கே அழைத்து சென்று விடுகிறீர்கள் . தங்களின் ஆன்மீகப் பணிகள் என்றென்றும் தொடரட்டும் . நன்றியுடன், பிரதீப் குமார் , மீன் வளத்துறை.

    Like

  2. பாலுக்காக அழும் குழந்தைக்கு பாலாம்பிகை துணை நிற்பாங்க…ஞானசம்பந்தருக்கு மட்டும் அல்ல என்பதை இந்த கட்டுரையை படித்து உணரமுடிகிறது.
    அற்புதம்.

    Like

    1. பாலாம்பிகை என்று குறிப்பிடுவதில் (பேச்சு வழக்கில்) தவறேதும் இல்லை என்பது என் தாழ்மையான கருத்து.

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s