சுகமான வாழ்வளிக்கும் சைதை ஶ்ரீசெளந்தரேஸ்வரா்! (வட திருநாரையூா்)

“தேவதத்தன்” என்ற கந்தா்வன் பேரழகன். தான் மிக அழகானவன் என்ற கா்வம் இந்த கந்தா்வனுக்கு உண்டு. கா்வம் தலைக்கனமாக மாற தான் செய்யும் செயல்களின் விளைவினைக் கருதாது விளையாட்டாக மனம் போன போக்கில் செயல்பட்டான் தேவதத்தன்.

தன் விளையாட்டினை தவசிரே ஷ்டரான “துா்வாச முனிவாிடமே” காட்ட ஆரம்பித்தான்.

q2

தவம் புாிவதற்கு ஏற்ற அடா்ந்த வனத்தில் அமா்ந்து தவம் செய்து கொண்டிருந்தாா் துா்வாசா். காற்றில் அசையும் மரங்களின் சலசலப்பும் பறவைகள் எழுப்பும் கானமும் தவிர அமைதி தவழும் பிரதேசமாக இருந்தது அந்த வனம்.

கந்தா்வன் தேவதத்தனின் வாழ்க்கையில் விதி விளையாட ஆரம்பித்தது. அச்சமயம் ஆகாயமாா்க்கமாக ஸ்வா்ண மயமான விமானத்தில் அக்காட்டினைக் கடந்து சென்றான் தேவதத்தன். ஆழ்ந்த நிஷ்டையில் அமா்ந்திருந்த துா்வாச முனிவரைக் கண்டதும் வானத்திலிருந்து வனத்திற்கு வந்த கந்தா்வன் அவரது தவக்கோலத்திற்கு இடையூறுகளை ஏற்படுத்தினான்.

q3

துா்வாசா் அமா்ந்திருந்த இடத்தின் அருகிலிருந்த மரத்தில் ஏறி அம்மரத்தில் பழுத்திருந்த கனிகளைக் கொய்து துா்வாசாின் மீது எறிந்தான். கோபமே தமது இயல்பாகக் கொண்ட துா்வாசா் இயன்ற வரை அமைதி காத்தாா். அப்படியும் தன் விளையாட்டை நிறுத்தவில்லை கந்தா்வன்.

துா்வாசாின் அருகில் பறவையைப் போல பறந்து சென்று பெருத்த சத்தத்தை எழுப்பினான் தேவதத்தன். காட்டில் பழுத்திருந்த கனிகளை உண்டபின் கொட்டையை துா்வாசரின் மீது எறிந்தான். கந்தா்வனின் சேட்டையை, ஏளனத்தை இனியும் பொறுக்க முடியாது என தவம் கலைந்து கண் திறந்தாா் துா்வாசா். முனிவாின் தவம் கலைந்ததைக் கண்டு ஆா்ப்பாித்து ஏளனமாகச் சிாித்தான் தேவதத்தன்.

q4

கடும் கோபம் கொண்ட துா்வாச முனிவா் கந்தா்வனை நோக்கி, “அழகின் ஆணவத்தால் அறிவிழந்து செயல்படும் நீ நாரையாய்ப் போகக்கடவது” என சாபமிட்டாா்.

அழகனாய் நின்ற கந்தா்வன் அடுத்த நொடியே நாரையாக உருமாறினான். அப்போது தான் தனது செயலின் விளைவினை எண்ணி நிலைகுலைந்தான் தேவதத்தன். விளையாட்டு வினையானதை எண்ணி வருந்திய கந்தா்வன், துா்வாச முனிவாின் திருவடிகளில் பணிந்து தனக்கு சாபவிமோசனம் அளித்தருளும்படி மன்றாடினான்.

q5

“சிவத்தை சிந்தையில் நிறுத்தி தவம் செய்த என் தவத்தைக் கலைத்ததால் நீ சிவ நிந்தனைக்கு ஆளாகிவிட்டாய். எனவே உனது சாபம் நீங்க தினமும் “அவிமுக்த க்ஷேத்திரமான” காசி திருத்தலம் சென்று அங்கிருந்து கங்கை நீரைக் கொண்டுவந்து இங்கே இருக்கும் சிவபெருமானுக்கு அபிஷேகம் செய்து வழிபட உன் சாபம் நீங்கும்,” என தேவதத் தனுக்கு வழி கூறியருளினாா் துா்வாசா்.

q6

முனிவாின் ஆலோசனையை ஏற்று நாரையாய் மாறிய கந்தா்வன், தினமும் காசிக்குச் சென்று கங்கையைத் தன் பிறையில் சூடிய கங்காதரனுக்கு கங்கை நீரைக் கொண்டுவந்து அபிஷேகம் செய்து பக்தியோடு வழிபட்டு வந்தான். காற்றானாலும் மழையானாலும் ஒரு நாள் கூட பிசகாமல் இவ்வழிபாட்டினை நிகழ்த்தி வந்தான் நாரையாய் மாறிய கந்தா்வன்.

பொன்னாா் மேனியனின் வழிபாட்டால் தேவதத்தனின் மனதில் குடிகொண்ட மும்மலங்கள் அகன்றது. அவனது கா்வம் குறைந்து அவன் மனதில் பணிவும் பக்தியும் குடிகொண்டது. அவனது சிந்தை முழுவதும் சிவமே நிரம்பியிருந்தது. இதனால் அவனது சாப விமோசனம் நீங்குவதற்கான நாளும் வந்தது.

q7

ஒரு நாள் காசியிலிருந்து கங்கை நீா் கொண்டு வரும்போது பெரு மழை பெய்து புயல் காற்று வீசியது.எவ்வளவு முயன்றும் காற்றின் வேகத்திற்கு ஈடுகொடுத்து நாரையினால் பறக்க முடியவில்லை.சுழன்று அடித்த பேய்க்காற்றினால் தன் சிறகினையும் இழந்து தொடா்ந்து பறக்க முடியாமல் கீழே விழுந்தது நாரை. சிறகுகளின்றி மிகுந்த சிரமத்துடன் தரையில் தவழ்ந்தே வந்து திருத்தலத்தை அடைந்த நாரை, கங்கையிலிருந்து கொண்டு வந்த நீரை ஈசனுக்கு அபிஷேகம் செய்த பின் சக்தியின்றி தன் நிலை மறந்து மயங்கி விழுந்தது. இதே நேரத்தில் திருக்கயிலை நாதனின் திருவருளும் நாரைக்குக் கிடைக்க, நாரை உருவம் மறைந்து மீண்டும் அழகான வடிவெடுத்து கந்தா்வனாக பழைய நிலைக்கு மாறினான் தேவதத்தன்.

q8

இந்த புராணப் பின்னணியுடன் அமைந்த “திருநாரையூா்” கும்பகோணத்திற்கு அருகில் உள்ளது.நாரை வழிபட்டதால் இத்தலத்திற்கு “திருநாரையூா்” என்ற திருநாமம் ஏற்பட்டுள்ளது. இத்தலத்தில் தான் திருமுறைகள் நமக்குக் கிடைக்க அருளிய “ஶ்ரீபொள்ளாப் பிள்ளையாா்” அருள்பாலிக்கின்றாா்.

q9

ஒரு நாமம், ஓா் உருவம் இல்லாமல் ஆயிரம் திருநாமங்கள் கொண்டு அருள்பாலிக்கும் சா்வேஸ்வரனின் ஒவ்வொரு திருத்தலத்திற்கும் குறிப்பிட்ட ஒரு திருவிளையாடலை அடிப்படை ஆதாரமாகக் கொண்ட தலவரலாறு இருக்கும். ஒரே தல வரலாற்றினை அடிப்படையாகக் கொண்டு அருள்பாலிக்கும் ஒன்றுக்கு மேற்பட்ட திருத்தலங்களும் நமது புண்ணிய பூமியில் அமைந்துள்ளன. உதாரணமாக திருமாலுக்கு சக்கரம் அருளிய தலமாக காஞ்சிக்கு அருகிலுள்ள “திருமால்பூரும்” கும்பகோணம் அருகிலுள்ள “திருவீழிமிழலையும்” வணங்கப்படுகின்றன. இதே போன்று தேவலோகப் பசுவான காமதேனு வணங்கிய ஆலயங்களும் நவக்கிரகங்க ளுக்கு ஈசன் அருளிய தலங்களும் பல இடங்களில் அமைந்துள்ளன.

q10

இத்தலங்களைப் போன்றே நாரைக்கு அருளிய தலமாக சென்னை சைதாப்பேட்டையில் அருள்பாலிக்கும் ஶ்ரீதிாிபுரசுந்தாி சமேத ஶ்ரீசெளந்தரேஸ்வரா் திருத்தலமும் விளங்குகின்றது. இத்தலம் “வட திருநாரையூா்” என்று பக்தியுடன் வணங்கப்படுகின்றது.

சதயபுாி

சுமாா் 1300 ஆண்டுகள் பழைமை வாய்ந்தது இத்தலம் என்பதை இத்தல வரலாற்றின் மூலம் அறிந்து கொள்ளமுடிகின்றது. 12 ஆம் நூற்றாண்டில் இப் பகுதியின் “சதயன்” என்ற வணிகா் வாழ்ந்து வந்தாா். ஶ்ரீசெளந்தரேஸ்வரப் பெருமான் மீதும் அம்பிகை திாிபுரசுந்தாி மீதும் அளவற்ற பக்தி கொண்டிருந்தாா் இப்பெருமகனாா். இத்தலத்தில் ஈசனுக்கும் அம்பிகைக்கும் நித்யபூஜைகள் செய்து வழிபாடுகள் நிகழ்த்திய பின்னரே தமது அன்றாடப் பணிகளை மேற்கொள்ளும் வழக்கத்தினைக் கொண்டிருந்தாா் சதயனாா்.

q11

இவரது காலத்தில் முற்றிலும் சிதிலமடைந்து புதா்கள் மண்டியிருந்த இத்தலத்திற்குத் திருப்பணிகள் செய்து மகிழ்ந்த சதயன் காலங்கள் கடந்தும் ஈசனுக்கு பூஜைகள் தடையின்றி நடைபெற கொடைகள் வழங்கி மகிழ்ந்துள்ளாா்.

சதயனைப்போற்றும் விதமாக ஶ்ரீசெளந்தரேஸ்வரர் திருத்தலம் அமைந்துள்ள இப்பகுதி அக்காலத்தில் “சதயபுாி” என்றே வழங்கப்பட்டதாகவும் புராதனக் குறிப்புகள் தொிவிக்கின்றன.

q12

செளந்தரேஸ்வரா்− திாிபுர சுந்தாி!

“செளந்தா்யம்” என்றால் அழகு. அழகின் திருவடிவமாக செளந்தா்யத் திருமேனி கொண்டு அருளும் ஶ்ரீசெளந்தரேஸ்வரப் பெருமானின் தாிசனம் நம் நெஞ்சத்தில் நிறைகின்றது. மூா்த்தி சிறியதாக இருந்தாலும் இத்தல ஈசனின் அருள் வழங்கும் கீா்த்தி பொியது என நெகிழ்ச்சியுடன் தொிவிக்கின்றனா் இப்பகுதி மக்கள். திரிபுரம் எாித்த விாிசடைப்பெருமானின் தலத்தில் “ஶ்ரீதிரிபுரசுந்தாி” எனும் திருநாமம் கொண்டு தன் நாயகனின் செளந்தா்யத்திற்கு நிகரான லாவண்யத்துடன் அருள்பாலிக்கின்றாா் அம்பிகை.

q13

முப்பெரும் தலவிருட்சங்கள்!

பெரும்பாலான திருத்தலங்களில் தலவிருட்சம் என ஒரே ஒரு மரம் மட்டுமே இருக்கும். ஆனால் சைதாப்பேட்டை செளந்தரேஸ்வரா் திருத்தலத்தில் தலவிருட்சங்களாக புனிதம் நிறைந்த வன்னி, கொன்றை மற்றும் வில்வ மரங்கள் உள்ளன.

வன்னி மரம் வெற்றி தேவதையின் வடிவமாகும். உமாதேவி தவம் செய்த இடம் வன்னி மரத்தடி என்றும் அம்பிகை வன்னி மரத்தடியில் வாசம் செய்வதாகவும் புராணங்கள் தொிவிக்கின்றன. விநாயகப் பெருமானுடைய பஞ்சபூத சொரூபத்தை உணா்த்தும் ஐந்து வகை மரங்களில் வன்னி மரம் அக்னி சொரூபமாகும். விநாயகப் பெருமானுக்கும் சனீஸ்வரருக்கும் வன்னி இலைகளால் அா்ச்சனை செய்வது விசேஷமாகும்.

q14

சிவபெருமானுக்கும் முருகப் பெருமானுக்கும் உகந்தது கொன்றை மாலையாகும்.

சிவபூஜையில் வில்வ இலைகளால் செய்யப்படும் பூஜை சிறப்பு வாய்ந்ததாகும். முக்கூறுகளைக் கொண்ட வில்வ இலை திாிசூலத்தின் குறியீடாக வணங்கப்படுகின்றது. இக்குறியீடுகள் இச்சா சக்தி, ஞான சக்தி மற்றும் கிாியா சக்தி என்ற மூன்று சக்திகளின் அம்சமாக விளங்குகின்றது. வில்வ மரம் மஹாலக்ஷ்மி வாசம் செய்யும் இடமாகும். வில்வ தளத்தால் ஈசனுக்கு செய்யும் பூஜை அஸ்வமேதயாகம் செய்வதற்கு நிகரானது என்று போற்றுகின்றன புராணங்கள்.

q15

இத்தலத்தில் உள்ள வன்னி மரம் சுமாா் 800 ஆண்டுகள் பழைமையானது என தாவரவியல் வல்லுநா்கள் தொிவிக்கின்றனா். இந்த வன்னி மரத்தின் அடியில் பைரவா், நாகா் மற்றும் வன்னீஸ்வரா் அருள்பாலிக்கின்றனா்.

கணவன் மனைவிக்குள் கருத்தொற்றுமை ஏற்பட்டு குடும்பம் அமைதிப்பூங்காவாகத் திகழவும் தாம்பத்யம் சிறக்கவும் இத்தல வன்னிமரத்தை வலம் வந்து நெய்தீபம் ஏற்றி வழிபடுகின்றனா்.

சிவ ஸ்வரூபமான காஞ்சி மாமுனிகள் “ஶ்ரீசந்திரசேகரேந்திர சரஸ்வதி மஹா சுவாமிகள்” பட்டினப்பிரவேசமாக சென்னைக்கு வருகைதந்த போது ஶ்ரீசெளந்தரேஸ்வரப் பெருமானை வழிபட்டு பேரானந்தம் அடைந்துள்ளாா். மஹா சுவாமிகள் இத்தலத்து வன்னி மரத்தடியில் மூன்று நாள்கள் தங்கியிருந்து பக்தா்களுக்கு ஆசி வழங்கியது கூடுதல் சிறப்பாகும்.

q16

சுந்தரத் தெலுங்கினைத் தங்கள் தாய்மொழியாகக் கொண்ட அன்பா்கள் தங்களது இல்ல சுபநிகழ்ச்சிகளின் போது இத்தலத்தில் வழிபாடுகள் செய்து வன்னி மரத்திற்கு பூணூல் அணிவித்தும் வாழை இலை படையல் போட்டு நைவேத்தியம் செய்வதும் வேறு எங்கும் காண முடியாத அதிசயமாகும்.

இத்தலத்தில் வரசித்தி விநாயகா், நிருதி விநாயகா், நால்வா் பெருமக்கள், பொிய புராணம் அருளிய சேக்கிழாா் பெருமான், அபிராமி, வள்ளி தேவசேனா சமேத முருகப் பெருமான், நவக்கிரகங்கள் மற்றும் சூாிய பகவானையும் தாிசனம் செய்யலாம்.

பிரதோஷம், மஹா சிவராத்திாி மற்றும் ஐப்பசி அன்னாபிஷேகம் ஆகிய விழாக்கள் இத்தலத்தில் மிகவும் சிறப்பாகக் கொண்டாடப் படுகின்றன. ஒவ்வொரு வருடமும் ஆனி மாதம் பிரம்மோற்சவம் நடைபெறுகின்றது.
11.3.2012 அன்று கும்பாபிஷேகம் நடைபெற்ற இத்திருக்கோயில் தமிழக அரசின் இந்து சமய அற நிலைய ஆட்சித்துறையால் நிா்வாகம் செய்யப்படுகின்றது.

சிறந்த பிராா்த்தனைத் தலம்.

திருமணத்தடை நீங்கவும், மழலைப்பேறு ஏற்படவும் இத்தல ஈசனையும் அம்பிகையையும் பக்தா்கள் வழிபடுகின்றனா். தங்களது வேண்டுதல் நிறைவேறியதும் பக்தா்கள் ஈசனுக்கும் அம்பிகைக்கும் அபிஷேகம் செய்து புது வஸ்திரம் சாற்றி வழிபடுகின்றனா்.

சகல செல்வங்களும் தரும் சைதாப்பேட்டை ஶ்ரீசெளந்தரேஸ் வரப்பெருமானையும் அன்னை திரிபுரசுந்தாியையும் வழிபட எல்லா நன்மைகளும் நம்மை நாடி வந்து சேரும். நாரைக்கு அருளிய நாயகன் நமக்கும் நல்லருள் புாிவாா்.

காலை 6.00 மணி முதல் 10.30 மணி வரையிலும் மாலை 4.00 மணி முதல் 7.30 மணி வரையிலும் திருக்கோயில் நடை திறந்திருக்கும்.

சைதாப்பேட்டை இரயில் நிலையத்திற்கு மிக அருகில் உள்ளது இத்திருத்தலம்.

Advertisements

Author: munnurramesh

Working as Deputy Registrar in Coop Dept, Govt of Tamilnadu.

2 thoughts on “சுகமான வாழ்வளிக்கும் சைதை ஶ்ரீசெளந்தரேஸ்வரா்! (வட திருநாரையூா்)”

  1. Thank you sir for the information. Though the temple is near to our mansion we hadn’t paid even a single visit. Atleast hereafter we certainly will go to the temple for prayers

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s